एक सर्वसामान्य शिवसैनिक हिंदुहृदयसम्राट बाळासाहेब ठाकरे आणि धर्मवीर आनंद दिघे साहेब यांच्या विचारांनी प्रेरित होऊन समाजकारणात येतो आणि शाखाप्रमुख हे बहुमानाने मिळालेले पद मोठ्या मेहनतीने समाजकार्य करत जपतो. संघटनेला मोठं करण्यासाठी जीवाचं रान करतो. कल्याणसारख्या शहरात शिवसेनेला रुजवण्यासाठी, घराघरापर्यंत पोहचवण्यासाठी पक्षाची नियोजनबद्द बांधणी करतो. हा शिवसैनिक म्हणजे ‘विश्वनाथ भोईर’

८० टक्के समाजकारण आणि २० टक्के राजकारण या सूत्रावर चालत समाजकार्याचे व्रत घेत विश्वनाथ भोईर यांनी राजकीय क्षेत्रात प्रवेश केला. स्थानिक भूमिपुत्र, महाराष्ट्र अस्मिता, हिंदुत्ववादी भूमिका, मराठी भाषा यांच्या साठी टोकाचा संघर्ष करत विश्वनाथ भोईर यांनी कल्याण पश्चिममध्ये संघटनेची वज्रमूठ बांधली.

हिंदुहृदयसम्राट बाळासाहेब ठाकरे आणि धर्मवीर आनंद दिघे साहेब यांच्या नेतृत्वात काम करत शिवसेनेला वाढवली. संघटने विषयीचे प्रेम आणि काम करण्याची ऊर्जा पाहून पक्षाने २०१९ ला थेट आमदारची तिकीट दिली आणि या तिकीटावर कल्याणकरांचा विश्वास जिंकत विश्वनाथ भोईर यांनी विजयावर मोहोर उमटवली. आरोग्य, रोजगार, महिला सक्षमीकरण, युवा सशक्तीकरण यांसारख्या विषयांवर काम करत आज विश्वनाथ भोईर हे यशस्वीपणे कल्याण पश्चिममध्ये काम करत आहेत.